Əhməd əş-Şara İlham Əliyevə təbrik məktubu göndərdi
Siyasət
01 Apr 2025 21:59
Suriya Ərəb Respublikasının keçid dövrü Prezidenti Əhməd əş-Şara Prezident İlham Əliyevə təbrik məktubu ünvanlayıb.
News365.az xəbər verir ki, təbrik məktubunda deyilir:
"Cənab Prezident, Əziz Qardaş.
Mübarək Ramazan bayramı münasibətilə Sizə ən səmimi təbriklərimi çatdırmaqdan məmnunluq duyuram.
Bu xoş fürsətdən istifadə edərək Zati-alinizə möhkəm cansağlığı, uzun ömür, Azərbaycan Respublikasına daha da çox tərəqqi, rifah və əmin-amanlıq arzu edirəm. Birgə səylərimizlə ölkələrimizin və xalqlarımızın, həmçinin İslam ümmətimizin xoşbəxtliyi naminə Uca Allaha dua edirəm.
Bayramınız mübarək!"
