Aİ ABŞ-nin tariflərinə cavab verə bilməyəcək - "Politico"

Avropa İttifaqının (Aİ) ABŞ-nin tətbiq edəcəyi yeni tariflərə dərhal reaksiya verə bilməyəcək. Belə bir ehtimal yoxdur. Bu fikirlər “Politico”da dərc olunan məqalədəndir. Nəşr öz mənbələrinə istinad edib.

Qeyd edilib ki, ABŞ-nin görəcəyi arzuolunmaz tədbirlər paketini təhlil etmək üçün Avropaya vaxt lazımdır. Müəllif Aİ səfirlərinin aprelin 3-də ittifaqın ticarət nazirlərinin sammitindən əvvəl görüşəcəklərini də xatırladıb.

Martın 31-də Bloomberg agentliyi məlumat yaymışdı ki, ABŞ prezidenti Donald Tramp aprelin 2-dən bütün ölkələr üçün qarşılıqlı tariflər tətbiq etməyi planlaşdırır. Buna qədər isə müzakirələrdə siyahının yalnız bir sıra ölkələr, xüsusən də Aİ ölkələri, Çin, Braziliya, Hindistan, Meksika və Kanada ilə məhdudlaşması deyilirdi.

Trampın hansı tarifləri tətbiq etmək istəməsi və onların necə hesablanacağı isə hələlik məlum deyil. Bundan əlavə, Amerika liderinin administrasiyası ölkələrin hansı şərtlər altında onlardan yayına biləcəyini açıqlamayıb.

Tural