Aerodromlar yenə vurulacaq -Kiyevdən xəbərdarlıq

Ukraynanın baş naziri Denis Şmıxal diqqət çəkən açıqlamalar verib. O, bildirib ki, Ukrayna Təhlükəsizlik Xidmətinin (SBU) “Pautina” əməliyyatı zamanı Kiyev Rusiya aerodromlarına yalnız pilotsuz təyyarələrlə hücum edib. Onun sözlərini France 24 sitat gətirib.

"Bu, sadəcə bir epizod deyil, proses təkrarlana bilər. Biz bu istiqamətdə çalışmalara davam edirik. Artıq Qara dənizdə nəticələri görürsünüz və biz hava məkanımızı Rusiya bombardmançılarından azad edirik", - Şmıxal bildirib.

O, iddia edir ki, Kiyevin Rusiyanın hərbi potensialını “məhv etməkdən” başqa yolu yoxdur.

Xatırladaq ki, iyunun 1-də Ukrayna kod adı "Pautina" olan genişmiqyaslı əməliyyat keçirib. Bu əməliyyat zamanı Rusiyanın 5 hərbi aerodromuna, o cümlədən Murmansk, İrkutsk, İvanovo, Ryazan və Amur vilayətlərindəki obyektlərə hücum edilib.

Bu, münaqişə zamanı Sibirə ilk hücum olub. Əməliyyatı Ukrayna Təhlükəsizlik Xidməti (SBU) təşkil edib və əməliyyat il yarımdan çox müddətə hazırlanıb. Əməliyyatda 117 FPV pilotsuz uçan aparatından istifadə edilib. Onlar gizli şəkildə Rusiya ərazisinə gətirilib və yardımçı tikililərdə- mobil sığınacaqlara yerləşdirilib. Pilotsuz təyyarələr uzaqdan işə salınaraq strateji hədəfləri, o cümlədən Tu-95 bombardmançıları və A-50 təyyarələrini vurub.

Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçdi. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Ukrayna ordusu 2024-cü ildə gözlənilmədən Rusiyanın Kursk vilayətinə girdi. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib. Kurskun işğalda qalmış əraziləri yenidən geri qaytarılıb.

Tural