Avtomobil 49 yaşlı kişini vuraraq öldürdü

Oğuz rayonunda avtomobil piyadanı vuraraq öldürüb.

News365.az xəbər verir ki, hadisə gecə saatlarında rayonun Kərimli kənd ərazisində baş verib.

Belə ki, rayonun Xalxal kənd sakini 1988-ci il təvəllüdlü Tural Ayaz oğlu Abdullayev idarə etdiyi avtomobillə Şəki rayonu Qayabaşı kənd sakini 1976-cı il təvəllüdlü Qalib Bəhman oğlu Hüseynovu vurub.

Qəza nəticəsində 49 yaşlı Q.Hüseynov həyatını itirib.

Faktla bağlı araşdırma aparılır.