Xaricdə biznesi olan məmur övladları- SİYAHI
Artıq bu bir
ənənə alıb. Əksər məmurların övladları ölkə xaricində böyük biznes şəbəkələri
qurur. Doğrudur, son zamanlar bu məsələ bir qədər səngiyib. Ola bilsin ki,
informasiya qıtlığı var. Amma əvvəlki məmurların əksəriyyətinin övladları hələ
də xaricdə eyş-işrət içində yaşayır.
News365.az xaricdə biznesi olan bəzi sabiq məmur
övladlarının siyahısını hazırlayıb. Həmin siyahını təqdirm edirik:
1. Anar Məmmədov
Eks-Nəqliyyat
naziri Ziya Məmmədovun oğlu Anar Məmmədovun daimi yaşayış yeri
Böyük Britaniyanın paytaxtı London şəhəri olduğu deyilir. Amma, onun dünyanın bir çox ölkələrində
biznes şəbəkələri var. Anar Məmmədovun restoran və əmlak biznesilə məşğul
olduğu deyilir. Qeyd edək ki, o həm də sabiq nazir, hazırda Millət vəkili olan
Heydər Əsədovun kürəkənidir.
2. Lətif Bağırov
Lətif sabiq Ekologiya
və Təbii Sərvətlər naziri Hüseynqulu Bağırovun oğludur. 20 ilə yaxın nazirin oğlu Lətif Bağırovun Türkiyədə
yaşayıb və burada biznes idarə etdiyi deyilir.
3. Yunis Abbasov
Baş nazirin
sabiq müvini və keçmiş Kənd Təsərrüfatı naziri İsmət Abbasovun oölu olan
Yunis də xaricdə bizneslə məşğuldur. Onun Londonda əmlak sektorunda şirkətlərə
sahib olduğu bildirilir.
4. Riyad və Emin Məmmədyarovlar
Onlar uzun müddət Xarici İşlər naziri Elmar Məmmədyarovun övladlarıdır. Onların ABŞ-da yaşadığı deyilir. Bir ara onların Nyu-Yorkun Riversayd bulvarında Tramp-Pleysdəki binalarda 4,5 milyon dollara mənzillər aldığı yazılmışdı.
Cuma Əhmədzadə
Baş nazirin müşaviri, ləğv edilmiş Meliorasiya və Su Təsərrüfatı ASC-nin sabiq sədri Əhməd Əhmədzadənin oğlu Cuma Əhmədzadə də xaricdə yaşayan məmur övladları sırasındadır. O, hazırda Londonda yaşayır. Yeri gəlmişkən, Cuma Əhmədzadə Mərkəzi Bankın keçmiş sədri Elman Rüstəmovun qızı Günel Rüstəmova ilə evlidir. Onların bir neçə ortaq şirkətlərə sahib olduğu deyilir.
Anar Mahmudov
Keçmiş milli təhlükəsizlik naziri Eldar Mahmudovun oğlu Anar Mahmudovun adı mətbuatda tez-tez hallanır. Hazırda xaricdə yaşayan Anar Mahmudovun Böyük Britaniyada və Avropanın bir neçə ölkəsində şirkətlərə rəhbərlik etdiyi deyilir.
İsrafil Abutalıbov
Bakı Şəhər
İcra Hakimiyyətinin sabiq başçısı Hacıbala Abutalıbovun oğlu İsrafil
Abutalıbov da xaricdə böyük bizneslə məşğul olduğu deyilir. Onun hazırda Londonda
yaşadığı bildirilir. Hacıbala Abutalıbovun digər oğlunun Almaniyada yaşadığı
barədə məlumatlar var.
8. Fərhad Əliyev
Sabiq Energetika
naziri, mərhum Natiq Əliyevin oğlu Fərhad Əliyev ailəsilə birgə
Türkiyədə yaşayır. Onun Türkiyə və bir sıra Avropa ölkələrində böyük biznes
qurduğu deyilir.
9. Asim Müslümlü
Keçmiş əmək və əhalinin sosial müdafiəsi naziri Səlim Müslümovun iki oğlundan biri – Asim Müslümlü də xaricdə yaşayır. Məlumatlara görə, o, Britaniyada – Edinburq Universitetində təhsil alıb. Asim Müslümlü hazırda İsveçrədə yaşayır və bizneslə məşğul olur.
Selcanxatun Məmmədova
Keçmiş Vergilər naziri, mərhum Fazil Məmmədovun qızı Selcanxatun ailəsilə birgə Londonda yaşayır və orada bizneslə məşğuldur.
Eldar Abbasov
10 ildən
artıq Rabitə və Yüksək Texnologiyalar naziri olmuş Əli Abbasovun oğlu
Eldar Abbasovun da Londonda yaşadığı deyilir. O, “Azərenerji “ASC-nin
keçmiş rəhbəri Etibar Pirverdiyevin qızı Dünya Pirverdiyeva ilə evlidir.
Hər iki məmur övladının Avropada geniş biznes şəbəkəsi olduğu deyilir.
News365.az
