Uşaqları günvurmadan qoruyun!- Həkimdən XƏBƏRDARLIQ
İsti yay günlərində uşaqlara nəzarət xeyli çətinləşir.
Gün ərzində həyət-bacada oynayan, dənizə belə gedən uşaqlar saatlarla qızmar
günəş altında qalırlar. Bu isə çox ciddi təhlükə yaradır.
Mövzu ilə bağlı News365.az-a danışan
pediatr Vaqif Qarayev deyir ki, uşaqlarda günvurmanın əlamətləri belə
olur:
“Hərarətin yüksəlir, baş ağrıları artır,
başgicəllənmə, halsızlıq,ürəkbulanma, qusma, ağır hallarda huşun itməsi və hətta
qıcolmalar baş verir. Belə hallarla rastlaşarkən uşaq dərhal kölgəyə və yaxud sərin
otağa yerləşdirilməlidir. Əgər evdə kondisioneri 18-20 dərəcəyə qoymusunuzsa,
uşağı ora yerləşdirməzdən əvvəl dərəcəni 24-25-ə çatdırın ki, kəskin temperatur
fərqi yaşanmasın. Uşağın boynunu, sinəsini dar geyimdən azad edin ki, rahat nəfəs
ala bilsin. Alnına boynuna soyuq kompreslər qoyun. Daim sərin su verin. Qazlı,
rəngli içkilər verməyin. Həkim gələnədək dərmanlardan istifadə etməyin. Uşaqda
qıcolmalar və huşun itməsi varsa, dərhal həkimə çatdırılmalıdır. Ən yaxşısı bu
anomal istilərdə uşaqlar günəşin altında olmasın. Çimərlik günəş şüalarından qorumur,
özünüzü aldatmayın”.
News365.az
