Ukrayna şəhərləri bir gecədə kütləvi dron və raket hücumlarına məruz qalıb

İyulun 16-na keçən gecə Rusiya Silahlı Qüvvələri Ukraynanın Vinnitsa şəhərinə kütləvi hücum həyata keçirib, nəticədə 7 nəfər yaralanıb.

News365.az xəbər verir ki, bu barədə Vinnitsa vilayət hərbi administrasiyası rəhbərinin müavini Nataliya Zabolotnaya feysbukda yazıb.

Vurğulanır ki, zərbələrdən sonra sənaye və mülki infrastruktur obyektlərinə zərbələr qeydə alınıb.

Məlumata görə, yaralanan yeddi nəfərdən beşinə yanıq xəsarəti diaqnozu qoyulub, ikisinin vəziyyəti ağır, üç nəfərin vəziyyəti orta ağırdır.

Xarkov da gecə ərzində Rusiya qoşunlarının zərbələrinə məruz qalıb.

Vilayət dövlət administrasiyasının rəhbəri Oleh Sinequbovun sözlərinə görə, 20 dəqiqə ərzində 17 partlayış qeydə alınıb, üç nəfər yaralanıb.

Gecə hücumu Krivoy Roqda da həyata keçirilib, burada böyük elektrik enerjisi kəsilib, 17 yaşlı oğlan ağır yaralanıb, həkimlər onun həyatı üçün mübarizə aparırlar.