Tələbə adını qazananlar bunları BİLMƏLİDİR

Minlərlə gənc tələbə adının qazanmasının sevincini ya.ayır. Tələbəlik yeni dostluq və yeni biliklər deməkdir. Müəllim yaxşı olsa dost qazanacaqsınız. Yaxşı olmasa insanları tanımağı öyrənəcəksiniz. Əgər sizləri qarşıda gözləyən 4 ildə yeni həyatda uğur qazanmaq istəyirsinizsə aşağıdakı qaydalar əməl edin

1) Telefonda və kompüterdə olan bütün oyunları silin

2) Enerji içkilərin həyatınıza yaxın buraxmayın

3) Kitabxanalara üzv olun

4) Yuxunuza nəzarət edin

5) Xarici dil üzrə mütləq təhsili davam edin. Ali məktəbdə tam öyrənə bilməyəcəksiniz

6) Endirimli kitab sərgilərində iştirak edib ixtisasdan asılı olmayaraq bəddi ədəbiyyat, tarixi romanlar alıb oxuyun.

7) Qidalanmaya düzgün fikir verin.

8) Dekan və rəhbərliyin təsirinə düşüb qrup yoldaşlarınızı satmayın.

9) Mətbuatı hər gün izləyin. Dünyada baş verən prosesləri, elmi yeniliklər barədə məlumatlı olun

10) Valideynlərinizin sözündən çıxmayın. Onlar sizin üçün yaşayırlar.

11) Mühazirələri müəllimlər göndərəndə dərhal incələyib, çətinlik yaradan mövzular barədə indidən deyin

12) Dərsə diqqətlə qulaq asın. Müəllimlər bəzən çaşdırıcı danışır ki, oxuyan tələbəni seçə bilsin. Etiraz etməyi öyrənin. Müəllim səhv danışanda belə irad bildirməkdən qorxmayın.

13) Özünüzlə mütləq bir qeyd dəftəri götürün. Müəllim mühazirə zamanı əksər vaxtlarda dəyərli məlumatlar verir, yaddaşa yazın

14) Qrup yoldaşları sizin ailəniz olacaq. Onlara dostluq edin, birlikdə olun. Ancaq özünüzü təsirə salmayın

15) Və ən əsası ömrünüzün ən gözəl illərini boş yerə domino, nərd, çayxana, mollarda keçirməyin..

Zaur Əliyev, dosent