Putin Xameneinin ölümünü “həyasız qətl” adlandırıb

Rusiya prezidenti Vladimir Putin İran lideri Əli Xameneinin ölümünü beynəlxalq hüququn pozulması aktı kimi qınayıb və mərhumun Rusiya-İran münasibətlərinə verdiyi böyük töhfəni qeyd edib.

 Rusiya prezidenti hadisəni "bütün insan əxlaqı normalarını və beynəlxalq hüququ pozan həyasız qətl" adlandırıb.

O bildirib ki, Xamenei Rusiyada İran və Rusiya arasındakı münasibətlərə "böyük töhfə" verən "görkəmli dövlət xadimi" kimi xatırlanacaq.

Putin həmçinin İran prezidenti Məsud Pezeşkiana və İran xalqına başsağlığı verib.