Nigeriyada qayıq batıb: 20 nəfər ölüb

Nigeriyanın mərkəzindəki Benue çayında taxta qayığın batması nəticəsində azı 20 nəfər ölüb. 

News365.az "Sozcu"yə istinadən xəbər verir ki, bu barədə yerli hakimiyyət orqanları məlumat yayıb.

Yerli hökumət sözçüsü Melvin Ceyms bildirib ki, hadisə Benue əyalətində ticarətçilər həftəlik bazardan qayıdarkən baş verib. Qəza nəticəsində itkin düşənlər var. 

Hazırda axtarış-xilasetmə işləri davam etdirilir.

Hadisə şahidinin sözlərinə görə, ölənlər əsasən qadınlar və uşaqlar olub.