Kursk sakinləri üçün konslagerlər yaradılıb?

Ukrayna Silahlı Qüvvələrinin əsgərlərinin Rusiya ilə sərhəd bölgəsində yerli sakinlərin yerləşdirdiyi konslagerlər yaratması ilə bağlı birbaşa sübutlara malikik. Bunu Rusiya Xarici İşlər Nazirliyinin rəsmi nümayəndəsi Mariya Zaxarova IV Avrasiya Qadınlar Forumu çərçivəsində keçirilən brifinqdə deyib.

“Rusiya hüquq-mühafizə orqanları Bandera tərəfdarlarının təxliyəyə vaxtı olmayan Kursk vilayətinin sakinlərinin Ukraynaya məcburi deportasiyası halları barədə məlumat almağa davam edir”, - diplomat bildirib.

Zaxarova xatırladıb ki, faşist işğalçıları Böyük Vətən Müharibəsi illərində də analoji hərəkət və taktikalara əməl ediblər.

Xatırladaq ki, Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Son aylarda Rusiya yenidən döyüş meydanındakı vəziyyəti öz xeyrinə dəyişib. Amma Ukrayna qoşunlarının ilk dəfə olaraq Rusiya ərazisinə girib Kurskda xeyli ərazini zəbt etməsi müharibədə dönüş nöqtəsinə çevrilib.

Tural