Kaliforniya yanğınlarında məşhurların da villaları külə dönür

Məşhur müğənni, aktrisa, biznesmen və model Paris Hilton Kaliforniyanı (ABŞ) bürüyən güclü yanğınlar nəticəsində evinin tamamilə məhv olduğunu bəyan edib.

Xarici KİV-in yaydığı məlumata görə, onun bahalı mülkü meşə yanğınlarından ən çox zərər çəkən Palisades ərazisində yerləşirmiş.

"Ailənlə oturmaq, xəbərlərə baxmaq və Malibudakı evinin tam şəkildə yandığını canlı olaraq izləmək heç kimin yaşamamalı olduğu bir hadisədir...”, - Hilton İnstaqram səhifəsində yazıb.

Müğənni qeyd edib ki, ev onun üçün çox dəyərli idi. Çünki burada çoxlu xoş xatirələri olub. Paris Hiltonun ailəsi indi təhlükəsiz yerdədir.  Müğənni yanğınlar nəticəsində xəsarət alanlara ailəsi adından başsağlığı verib.

Tural