İsrail Ordusu Qəzzada 10 saatlıq humanitar fasilələr elan etdi

İsrail Müdafiə Qüvvələri Qəzza zolağında sıx məskunlaşmış ərazilərdə hərbi fəaliyyətin “yerli taktiki fasiləsi”ni həyata keçirəcəyini elan edib.

Bu barədə İsrail Ordusunun mətbuat xidməti məlumat yayıb.

Bu fasilə hər gün saat 10:00-dan 20:00-a qədər davam edəcək.

Ordu bildirib ki, bu “fasilə” İsrail Müdafiə Qüvvələrinin hazırda quru qoşunları ilə fəaliyyət göstərmədiyi bölgələrdə, o cümlədən əl-Mavasi, Deyr əl-Bəla və Qəzza şəhərində həyata keçiriləcək və “ikinci xəbərdarlığa qədər hər gün” davam edəcək.

Bundan əlavə, ordu saat 06:00-dan 23:00-a qədər “BMT və humanitar yardım təşkilatlarının ərzaq və dərman çatdırmaq və paylamaq üçün Qəzza zolağında təhlükəsiz keçidlərini təmin etmək məqsədilə” xüsusi “təhlükəsiz marşrutlar” təyin edəcəyini qeyd edib.