İranda iki terror məntəqəsində əməliyyat keçirilib

İranın cənub-şərqində ABŞ və İsraillə əlaqəli olduğu iddia edilən iki terror hüceyrəsinə qarşı əməliyyat keçirilib.

News365.az xəbər verir ki, İran Kəşfiyyat Nazirliyi bildirib ki, Sistan və Bəlucistan əyalətində keçirilən əməliyyat zamanı 4 nəfər saxlanılıb, 2 nəfər isə təhlükəsizlik qüvvələri ilə toqquşmada öldürülüb. 

Nazirliyin iddiasına görə, hüceyrələr bölgədə sabitliyi pozmaq və iqtisadi infrastruktura qarşı təxribat törətmək niyyətində olub.