İnsan beyni eyni anda neçə tapşırıq yerinə yetirə bilər?

Uzun müddətdir ki, insanların eyni anda bir neçə mürəkkəb işi yerinə yetirə bilmədiyi, sadəcə diqqətlərini çox tez bir zamanda aralarında dəyişə bildiyinə inanılırdı. Lakin yeni bir araşdırma bu baxış bucağına meydan oxuyur.

Corctaun Universitetinin tədqiqatçıları yeni bir bacarıq mənimsənildikcə beyin sanki neyron əlaqələrini yenidən qurur və yaxşı təcrübə edilən hərəkətləri demək olar ki, avtomatik hala gətirir. Təcrübə zamanı könüllülər 5-10 həftə ərzində avtomobillərin şəkillərini 30.000 dəfədən çox çeşidlədilər və alimlər funksional MRT və elektroensefaloqrafiyadan istifadə edərək beyin funksiyalarındakı dəyişiklikləri təhlil etdilər.

Təlimin əvvəlində şüurlu düşüncə, planlaşdırma və qərar qəbuletmə ilə əlaqəli prefrontal korteks tapşırıqların yerinə yetirilməsinə cavabdeh idi. Lakin, geniş təcrübədən sonra məlumatların emalı mürəkkəb obyektlərin yaddaşı və tanınmasından məsul olan temporal korteksə keçdi. Bu bacarıq ötürülməsi prefrontal korteksi digər tapşırıqlar üçün azad edir və insanın birdən çox tapşırıq yerinə yetirmə qabiliyyətini artırır.

Müəlliflər hesab edirlər ki, tədqiqatın nəticələri vərdişlərin formalaşması mexanizmlərini daha yaxşı başa düşməyə və bəzi davranış nümunələrini niyə pozmağın bu qədər çətin olduğunu izah etməyə kömək edəcək. Bundan əlavə, tapıntılar əvvəllər qazanılmış bacarıqları itirmədən davamlı öyrənməyə qadir olan yeni süni intellekt sistemlərinin yaradılmasında faydalı ola bilər.

News365.az