Hamiləlik dövründə qadınların stresi uşaqlarda dişlərin çıxma sürətinə təsir edirmiş

Uşaqların cəmi 20 süd dişi olur. Onlar ana bətnində əmələ gəlir və adətən 6 aydan 3 yaşa qədər çıxır, baxmayaraq ki, vaxt çox dəyişir. Buna genetikadan başqa nə təsir edə bilər?

News365.az  xəbər verir ki, Roçester Universitetinin amerikalı tədqiqatçıları ilk dəfə olaraq süd dişlərinin çıxma sürətinin hamiləlik dövründə ananın stressindən təsirlənə biləcəyini göstəriblər.

Alimlər sosial cəhətdən həssas ailələrdən olan 142 hamilə qadını müşahidə ediblər. İkinci və üçüncü trimestrlərin sonunda tüpürcək toplanıb və əsas stress hormonu olan kortizol da daxil olmaqla hormon səviyyələri ölçülüb.

Doğuşdan sonra uşaqlar iki il ərzində müayinə edilib və artıq çıxmış süd dişlərinin sayı qeydə alınıb. Məlum olub ki, kortizol səviyyəsi yüksək olan qadınlarda, orta hesabla, 6 aylıq yaşda, kortizol səviyyəsi aşağı olan qadınların uşaqlarına nisbətən dörd diş daha çoxdur. Kortizolun sümüklərin və dişlərin minerallaşmasına və sümük toxumasının böyüməsi və yenidən qurulmasından məsul olan hüceyrələrin fəaliyyətinə təsir etdiyinə inanılır.

Müəlliflərə görə, sürətlənmiş diş çıxması sürətlənmiş bioloji yaşlanmanın əlaməti ola bilər və hamiləlik dövründə stressin təsirlərini əks etdirir. Lakin mexanizmləri və nəticələrini daha dəqiq anlamaq üçün əlavə tədqiqatlara ehtiyac var.

News365.az