Fransada parlament seçkisinin ikinci turu keçirilir

Bu gün Fransada Milli Assambleyaya (parlamentin aşağı palatası) növbədənkənar seçkinin ikinci turu keçirilir.

Ölkənin xarici ərazilərində səsvermə hələ şənbə günü başlayıb və onların əksəriyyəti, Yeni Kaledoniyada olduğu kimi artıq bitib və ya bitmək üzrədir.

Milli Assambleyada 577 yer uğrunda əsas mübarizə mərkəzçi prezident koalisiyası, sağçı Milli Birlik və solçu Yeni Xalq Cəbhəsi arasında gedir. Son sorğulara görə, Milli Birlik namizədləri aşağı palatada 170-210 yer qazana bilər. Bir partiyaya mütləq çoxluğa nail olmaq üçün isə 289 yer lazımdır.

Mənbə: TASS