Flora Kərimova, yoxsa Fədayə Laçın?

Müğənni İlahə Fəda sosial şəbəkədə izləyicilərinin sualına cavab verib. Onun sözlərinə görə, Flora Kərimovanı digər sənətkarlarla müqayisə etmək doğru deyil.

"Mənə yazıblar ki, Flora xanım daha möhtəşəm sənətkardır, yoxsa Fədayə Laçın? İndi mən burada nə deyim? Yəni, Fədayə Laçın mənim bacımdır və o da çox gözəl sənətkardır. Amma Flora xanım, Flora Kərimova ümumiyyətlə tamam başqa bir kateqoriyadır, başqa bir səviyyədir, başqa bir yerdədir o. Flora xanımla heç kimi müqayisə eləmək olmaz. Məsələn, mən bacımla, Fədayə xanımla, Zeynəb xanımla müqayisə edə bilərəm. Bu zaman Fədayə Laçın d, aha yüksəkdir, daha peşəkardır. Amma Flora xanımla heç kimi müqayisə etmək olmaz," – deyə İlahə Fəda bildirib.

Sənətçinin bu fikirləri izləyicilər arasında geniş müzakirələrə səbəb olub.