Çinlilər bu dəfə də Bayraktar PUA-sını kopyaladı - FOTOLAR

Dünya brendlərini kopyalamaqla tanınan Çin bu dəfə də Bayraktar TB2-nin saxta versiyasını hazırlayıb. 

News365.az Türkiyə mətbuatına istinadla xəbər verir ki, Çin şirkətinin hazırladığı XY PUA-sı Beynəlxalq Aerokosmik Sərgidə nümayiş etdirilib. 

Çin istehsalı PUA Bayraktar TB2-yə bənzərliyi ilə diqqət çəkib.  Qeyd edək ki, Bayraktar TB2 Türkiyənin operativ-taktiki, orta yüksəklikdə uçan qırıcı milli pilotsuz döyüş (PUA) təyyarəsidir."Baykar Makina" şirkəti tərəfindən istehsal edilir. 

Sistem 2014-cü ildə Türkiyə Silahlı Qüvvələri arsenalına daxil edilib. Türk Silahlı Qüvvələrinin həyata keçirdiyi Pəncə Əməliyyatlarında, Suriyadakı vətəndaş müharibəsində və İkinci Liviya vətəndaş müharibəsindəki müdaxilələr dövründəki əməliyyatlarda fəal şəkildə istifadə edilib.  Bu sistemdən Türkiyə ordusundan başqa Azərbaycan, Qətər və Ukrayna ordusu da istifadə edir.