Bakıda 13 yaşlı qızın ölümü ilə nəticələnən AĞIR QƏZA

Bu gün saat 15 radələrində Suraxanı rayonu, Yeni Suraxanı qəsəbəsində faciəli yol-nəqliyyat hadisəsi baş verib.

Bakı Şəhər Dövlət Yol Polisi İdarəsindən News365.az-a verilən məlumata görə, Əbdürrəhman Rafiq oğlu Rəhimovun idarə etdiyi KIA markalı, 77-XC-084 dövlət qeydiyyat nişanlı minik avtomobili piyada qismində olan 2012-ci il təvəllüdlü Banu Zahid qızı Qədəşovanı vurub.

Məlumatda qeyd olunub ki, 13 yaşlı yeniyetmə qız aldığı xəsarətlərdən hadisə yerində həlak olub.