“Bildiyimiz kimi, həm Fransada, həm də
ABŞ-da böyük erməni diasporu var. Parisin Ermənistanla bağlı bu siyasətini, eləcə
də Azərbaycana qarşı münasibətini qismən diaspora himayə etdiyi şübhəsizdir. Məhz
bu hesabadır ki, onlar BMT-yə və bütün dünyaya hayqırırlar ki, guya Azərbaycan
az qala Ermənistana hücum edib, Qarabağda ermənilərin “soyqırımı” törədilib.
Aydındır ki, bu, maliyyələşmənin inkişafı və öz, dar mənada eqoist məqsədlərə
nail olmaqdır”.
News365.az xəbər verir ki, bu fikirləri
Rusiyalı politoloq Aleksandr Razyvayev deyib. O bildirib ki, bu “fəryad” faktlarla manipulyasiya və siyasi
təbliğatdan başqa bir şey deyil:
“Üstəlik, Makron Ermənistanı dəstəkləməklə
ənənəvi olaraq erməni elektoratından səs toplayır. Təbii ki, Fransadan Ermənistana
silah tədarükü var. Üstəlik, mənəvi və siyasi dəstək də yetərincədir. Amma son
4 ildə, eləcə də bir il bundan əvvəl, Azərbaycanın İkinci Qarabağ müharibəsində
qalibiyyəti və Ermənistan-Azərbaycan
münaqişəsi zonasında formalaşan reallıqlara münasibətdə bunların hamısı boş
şeydir. Qərb Ermənistan ordusunu NATO standartlarına keçirsə də, öz təlimatçıları
ilə doldursa da, durmadan silahla təmin etsə də çətin ki, nəyisə dəyişsin. Çünki
Azərbaycan da hərbi potensialını daim artırır.
Eyni zamanda biz görürük ki, ABŞ Ermənistanda
müxtəlif strukturları kifayət qədər uğurla darmadağın edir. Bu, miqyasına görə
Fransadan daha ciddi oyunçudur. Dövlətlər Cənubi Qafqazda möhkəmlənmək istəyirlər.
Qərb Ermənistanı öz altına düşməyə inandırır. Bu, çətin ki, ölkənin həyat səviyyəsini
yaxşılaşdırsın. Amma Ermənistan dövləti üçün daha çox risklər olacaq. Bundan əlavə,
Ermənistanın qonşuları Qərbin təsirinə və onun regionda möhkəmlənməsinə son dərəcə
qarşıdır. Hətta Gürcüstan. Bunun Ermənistan Respublikası üçün üstünlüklərindən
daha çox mənfi cəhətləri olacaq.
Bunun fonunda Ermənistan gələcəkdə bu
və ya digər dərəcədə Qərbin dəstəyi ilə Qarabağdan qisas almağa cəhd edə bilər.
Ancaq yüksək bir ehtimalla, bu, ilk növbədə, özü üçün fəlakətlə başa çatacaq.
Ermənistan bir ölkə kimi sonda sadəcə mövcudluğunu dayandıra bilər. Qərbin Ermənistanın
xeyrinə və Azərbaycanın əleyhinə oyun oynamaq cəhdləri açıq-aydın
uğursuzluqdur. Çünki Azərbaycan çox güclü oyunçudur və müstəqil dövlətdir. Onun
gücü isə milli maraqları müdafiə etməkdə, çətinlikləri və onların öhdəsindən
necə gəlmək yollarını aydın dərk etməkdə, həmçinin dövrün tendensiyalarını dərk
etməkdə və kimin dost, kimin düşmən olduğunu başa düşməkdədir”.
News365.az