Anapaya turist səfərləri niyə kütləvi şəkildə ləğv edilir? - VİDEO

Ruslar mazut sızması səbəbindən ekoloji fəlakət yaşanmış turistik bölgə olan Anapada Yeni il tətili üçün sifarişlərini kütləvi şəkildə ləğv edirlər.

Bu barədə Rusiya mediasına Səyahət Agentlikləri Alyansının vitse-prezidenti Aleksan Mkrtçyan məlumat verib.

Mkrtçyan qeyd edib ki, sifarişlərin 90%-i artıq ləğv edilib:

“Axı insanların qışda Anapaya getməsində məqsəd nədir? Təmiz dəniz havası udmaq... İndi bütün sahil boyu neft məhsullarının buxarlanması səbəbindən bu mümkün deyil”.

Dekabrın 26-da Qara dənizə mazut sızması ilə əlaqədar Krasnodar diyarında federal səviyyədə fövqəladə vəziyyət tətbiq edilib.