ABŞ-ın maliyyə naziri kim olacaq?

İnvestor Skott Bessent ABŞ-ın seçilmiş prezidenti Donald Trampın administrasiyasında Xəzinədarlıq Departamentinə (Maliyyə Nazirliyi) rəhbərlik edə bilər.   

News365.az xəbər verir ki, bu barədə CNN məlumat yayıb.  Mənbənin sözlərinə görə, Ağ Evin seçilmiş rəhbəri bir neçə namizədi nəzərdən keçirir. Telekanal qeyd edir ki, ABŞ-ın Çinə münasibəti də bu vəzifədə olan şəxsin mövqeyindən asılı olacaq, ona görə də ekspertlər respublikaçının gələcək siyasətini qiymətləndirmək üçün bu təyinatı gözləyirlər. 

Bundan əvvəl "Wall Street Journal" (WSJ) öz mənbələrinə istinadən yazıb ki, ABŞ-ın yeni seçilmiş prezidenti Donald Trampın çevrəsinin Florida ştatından respublikaçı senator Marko Rubionu dövlət katibi təyin edəcəyi gözlənilir. Nəşrin həmsöhbətlərinin sözlərinə görə, Tramp hələ də qərarını dəyişə bilsə də, Rubionun namizədliyindən kifayət qədər razıdır. 

Amerika mətbuatının yazdığına görə, bu vəzifəyə mümkün namizədlər arasında biznesmen Vivek Ramasvami, əvvəllər Tramp dövründə ABŞ-ın Yaponiyadakı səfiri vəzifəsində çalışmış Tennessi senatoru Bill Haqerti və ölkənin Almaniyadakı keçmiş səfiri Riçard Qrenell də nəzərdən keçirilir. 

53 yaşlı Marko Rubio 2011-ci ildən senatordur. Media Trampın Rubionu vitse-prezident postuna namizəd hesab etdiyini, lakin son nəticədə Ohayo senatoru Ceyms Devid Vensi seçdiyini yazıb. Rubio Ukrayna ilə bağlı danışıqlar mövqeyini saxlayır və hesab edir ki, bu, münaqişənin sona çatmasına kömək edəcək. Aprel ayında o, Ukrayna, İsrail və Tayvana 95 milyard dollarlıq hərbi yardımın əleyhinə səs verən 15 respublikaçı senator arasında idi. Buna baxmayaraq, qanun layihələri Konqresin hər iki palatası tərəfindən qəbul edilib və prezident Co Bayden tərəfindən imzalanıb.