Almaniyada AfD partiyasının qadağan edilməsi təşəbbüsünü 100-dən çox deputat dəstəkləyib

Almaniya parlamentinin 100-dən çox üzvü ölkədə Almaniya üçün Alternativ (AfD) partiyasının fəaliyyətinin qadağan edilməsi təşəbbüsünü dəstəkləyib.  Bu barədə ZDF telekanalı məlumat yayıb.

Deputat Marko Vandervitsin başçılıq etdiyi bir qrup parlamentari AfD-ni qadağan etmək üçün Bundestaq qarşısında petisiya qaldırıb.

Əgər təmin olunarsa, Almaniya Federal Konstitusiya Məhkəməsi vəsatətə baxılması üçün əsaslar əldə edəcək.  Müraciətdə məqsəd partiyanın fəaliyyətinin Əsas Qanuna (Konstitusiyaya analoq) uyğunluğunu yoxlamaq, habelə onun dövlət tərəfindən maliyyələşdirilməsinə xitam verməkdir.

Eyni zamanda, bu fikrin xeyli sayda əleyhdarları var.  Vandervits ümid edir ki, məsələyə baxış Bundestaqa erkən seçkilərdən əvvəl baş tutacaq.

 Debatlar dekabrın 16-da, seçkilərin özü isə 2025-ci il fevralın 23-də keçirilməsi planlaşdırılır.

 Bundan əvvəl Xristian Demokrat İttifaqı (CDU) seçkilərin vaxtından əvvəl keçirilməsini tələb etmişdi.

Tural