Yod çatışmazlığı sizi zəif salmasın – Rasionunuza bu qidaları əlavə edin

Qalxanabənzər vəzin normal fəaliyyəti və hormonal balansın qorunması üçün yodla zəngin qidaların gündəlik qidalanmada yer alması vacibdir.

News365.az xəbər verir ki, yod çatışmazlığı bir çox sağlamlıq problemlərinə – o cümlədən halsızlıq, diqqət dağınıqlığı, zehni zəiflik və qalxanabənzər vəz xəstəliklərinə səbəb ola bilər. Bu risklərin qarşısını almaq üçün gündəlik yod ehtiyacını ödəyən qidaları qəbul etmək tövsiyə olunur.

Yodla zəngin əsas qidalar:

Dəniz yosunları: Dünyanın yodla ən zəngin təbii məhsullarıdır. Kelp, kombu və nori kimi növlər xüsusilə yüksək yod tərkibinə malikdir.

Balıq və dəniz məhsulları: Morina, tuna, skumbriya, sardina, karides və midyə yalnız yodla deyil, digər faydalı minerallarla da zəngindir.

Yodlaşdırılmış duz: Ən əlçatan yod mənbəyi hesab olunur. Az miqdarda istifadəsi belə gündəlik ehtiyacı ödəyə bilər.

Süd və süd məhsulları: Süd, pendir və yoqurt müəyyən səviyyədə yod ehtiva edir, xüsusən də heyvanların yemləri yodla zəngindirsə.

Yumurta: Yumurtanın sarısı az miqdarda yod ehtiva edir.

Paxlalılar: Noxud, lobya və mərciməkdə də yod var, lakin dəniz məhsulları ilə müqayisədə daha az miqdarda.

Kartof (qabığı ilə bişmiş): Torpağın mineral tərkibindən asılı olaraq orta səviyyədə yod mənbəyi ola bilər.

Qeyd: Əgər torpaq yodla kasaddırsa, həmin ərazidə yetişən meyvə-tərəvəzlərdə də yod az olur. Bu səbəbdən əsas yod mənbəyi kimi dəniz məhsulları və yodlaşdırılmış duz xüsusilə tövsiyə olunur.