Uşaqları ilə serial çəkilişinə gedərkən qəzaya düşdü

Türkiyəli aktrisa Özgü Namal bu gün uşaqları ilə birlikdə yol qəzasına düşüb.

News365.az Türkiyə mətbuatına istinadən xəbər verir ki, qəzadan sonra o, iki uşağı və sürücüsü təcili yardım maşını ilə xəstəxanaya aparılıb.

Məlumata görə, səhər saatlarında aktrisa övladlarını özü ilə birlikdə serial çəkilişinə aparırmış. Onun sürücüsünün idarə etdiyi avtomobil Beykoz yolunda başqa bir maşınla toqquşub.

Özgü Namal, uşaqları və sürücüsü təhlükəsizlik kəmərlərini taxdıqları və hava yastıqlarının açılması səbəbilə qəzadan yüngül xəsarətlərlə sağ çıxıblar.