Tramp Si Cinpinlə danışdı

Çin Prezidenti Si Cinpin və ABŞ-ın yeni seçilmiş Prezidenti Donald Tramp arasında telefon danışığı olub.

Bu barədə “Sinhua” agentliyi məlumat yayıb.

Tramp özünün “Truth Social” sosial şəbəkəsində telefon danışığının çox yaxşı keçdiyini söyləyib və Vaşinqton ilə Pekinin yaxın gələcəkdə bir çox problemləri birgə həll edəcəklərinə ümid etdiyini bildirib.

ABŞ-nin yeni seçilmiş prezidenti ticarət balansı, “TikTok” və bir çox başqa mövzuları müzakirə etdiklərini söyləyib. Tramp vurğulayıb ki, o, Si Cinpinlə birlikdə dünyanı daha təhlükəsiz yerə çevirmək üçün mümkün olan hər şeyi edəcək.

Si Cinpin və Tramp həmçinin əsas məsələlər üzrə müntəzəm təmaslar üçün strateji kommunikasiya kanalı yaratmaq barədə razılığa gəliblər. Ölkə liderləri Ukrayna və Yaxın Şərqdəki hərbi münaqişələri də müzakirə ediblər.