Su məmurunun oğlu Londonda 3,2 milyon manatlıq əmlak alıb

Dövlət Su Ehtiyatları Agentliyi yanında Suların İstifadəsinə və Mühafizəsinə Dövlət Nəzarəti Xidmətinin rəisi Rafiq Aslanovun oğlu Afiq Aslanovun İngiltərə vətəndaşlığı aldığı və Londonda 1,43 milyon funt sterlinq dəyərində əmlak yatırımı etdiyi bildirilir.

News365.az xəbər verir ki, bu barədə araşdırmaçı jurnalist Cavanşir Həsənli məlumat yayıb.

Məlumata görə, Afiq Aslanovun Londonda daşınmaz əmlaka yatırdığı vəsait təxminən 3,22 milyon manat təşkil edir.

Qeyd edək ki, məlumat Cavanşir Həsənlinin paylaşımına əsaslanır.