Goranboyda qaçırılan qız evinə qaytarıldı - YENİLƏNDİ

Goranboy rayonunda məktəbli qız evlənmək məqsədilə qaçırılıb.

News365.az xəbər verir ki, Goranboy şəhər 1 saylı tam orta məktəbin 10-cu sinif şagirdi, 2007-ci il təvəllüdlü qız Safikürd sakini 21 yaşlı Səbuhi Nağıyev tərəfindən qaçırılıb.

Hazırda qızın harada olmasa ilə bağlı dəqiq məlumat yoxdur.

Daxili İşlər Nazirliyinin (DİN) mətbuat xidmətinin Gəncə regional qrupunun baş inspektoru polis mayoru Eşqin Qasımov bildirib ki, məsələ ilə bağlı Goranboy Rayon Polis Şöbəsində araşdırma aparılır.

***

Goranboyda 10-cu sinif şagirdi evlənmək məqsədi ilə qaçırılıb.

News365.az bildirir ki, hadisə ötən gün axşam saatlarında Goranboy şəhərində qeydə alınıb. Goranboy şəhər 1 saylı tam orta məktəbin 10-cu sinif şagirdi, 2007-ci il təvəllüdlü Diləfruz Məmmədova (şərti ad) rayonun Səfikürd kənd sakini olan 21 yaşlı sevdiyi oğlan tərəfindən evlənmək məqsədilə qaçırılıb.

Faktla bağlı Goranboy rayon İcra Hakimiyyəti yanında Yetkinlik yaşına çatmayanların işləri və hüquqlarının müdafiəsi üzrə komissiya və rayon Polis Şöbəsində araşdırma başlanıb. /