Rusiyada çinli fəhlələr maaşların verilməməsinə görə etiraz edirlər - VİDEO

Rusiyanın Komsomolsk-na-Amure şəhərində neft emalı zavodunda çalışan çinli fəhlələr maaşların ödənilməməsinə etiraz olaraq aksiya keçiriblər. 

Bu barədə ASTRA Telegram kanalı məlumat yayıb.

Etirazçılarla görüşmək üçün şəhər meri Dmitri Zaplutayev operativ şəkildə hadisə yerinə yollanıb.

O bildirib ki, xarici işçilərin aksiyasının məqsədi məhz gecikdirilən maaşlarla bağlı vəziyyətə diqqət çəkmək olub. Zaplutayevin sözlərinə görə, şəhər administrasiyası və hüquq-mühafizə orqanları çinli fəhlələrlə danışıqlar aparır, o özü isə zavod rəhbərliyi və podratçı ilə görüş keçirmək üçün neft emalı müəssisəsinə gedib.