Rusiya-Ukrayna-ABŞ danışıqları başladı

Birləşmiş Ərəb Əmirliklərinin Əbu-Dabi şəhərində Rusiya, Ukrayna və ABŞ arasında üçtərəfli danışıqların ikinci mərhələsi başlayıb.

Danışıqların iki gün, 4-5 fevral tarixlərində davam etməsi gözlənilir.

News365.az xəbər verir ki, RİA Novosti-nin məlumatına görə, görüş qapalı keçirilir və ondan sonra mətbuat konfransı planlaşdırılmır.

TASS-ın məlumatına görə, Əbu-Dabidəki danışıqlar Ukraynanın NATO-ya qoşulmaması şərti ilə aparılır.

Politico Ukrayna və Amerika rəsmilərinə istinadən qeyd edir ki, danışıqların ikinci mərhələsi gözləniləndən daha ümidverici ola bilər.

Nümayəndə heyətlərinin əvvəlcə 1 fevral bazar günü görüşməsi planlaşdırılırdı, lakin təzirə salındı. Kreml təxirə salınmanı "üç tərəf arasında qrafik ziddiyyətləri" ilə izah etmişdi.