"Rusiya-Azərbaycan universitetinin açılması tələbələrin xeyirinədir"- Təhsil eksperti

"Ölkəmizdə Rusiya-Azərbaycan və ya İtaliya-Azərbaycan universitetlərinin açılması düşünürəm ki, həm həmin tələbələrin orda təhsil almasına, həm də yeni təhsil sistemi ilə tanış olmasına səbəb olacaq."

Təhsil eksperti Elçin Murad bunu News365.az-a açıqlamasında deyib.

"Bu gün Azərbaycanın bir çox dövlətlərlə, xüsusilə, qardaş ölkə Türkiyə ilə universitetlərarası əməkdaşlıqlar genişlənir. Həmçinin də Rusiya ilə. Əməkdaşlıqlar istənilən halda  təhsilə müsbət istiqamətdə təsir göstərir. Tələbələrin həm dünyagörüşü, həm təhsil imkanları genişlənir. Müxtəlif istiqamətlərdə fərqli təhsil sisteminə inteqrasiya təhsilin inkişafında önəmli rol oynayır. Bəzi hallarda tələbələr xaricdə təhsilə yönələ bilmir. Buna həm maddiyyat, həm ailələrdəki mühafizəkarlıq maneə olur. Ona görə də ölkəmizdə Rusiya-Azərbaycan və ya İtaliya-Azərbaycan universitetlərinin açılması düşünürəm ki, həm həmin tələbələrin orda təhsil almasına, həm də yeni təhsil sistemi ilə tanış olmasına səbəb olacaq"- deyə təhsil eksperti qeyd edib.

Vəfa Vəliyeva, News365.az