Putinin xüsusi nümayəndəsi ABŞ-yə təşəkkür etdi

Rusiya Birbaşa İnvestisiya Fondunun rəhbəri və Rusiya prezidentinin xarici ölkələrlə iqtisadi əməkdaşlıq üzrə xüsusi nümayəndəsi Kirill Dmitriyev ABŞ-ni tərk etdiyini açıqlayıb. O, müsbət, səmimi və konstruktiv görüşə görə ev sahiblərinə təşəkkür edib.

“Mən ABŞ-ni tərk edərkən, pozitiv, səmimi və konstruktiv səfərə görə hər kəsə təşəkkür etmək istərdim”, - Dmitriyev X sosial şəbəkəsindəki səhifəsində yazıb.

Qeyd edək ki, Dmitriyev bir neçə gün öncə ABŞ-yə səfər edib. O, səfər zamanı ABŞ rəsmiləri ilə Moskva ilə Vaşinqton arasında münasibətlərin bərpasını müzakirə edib. Rusiya Birbaşa İnvestisiya Fondunun rəhbəri səfərdən sonra vurğulayıb ki, bir çox məsələlərdə tərəflər arasında davam edən fikir ayrılıqlarına baxmayaraq, indiki Ağ Ev administrasiyası Rusiyanın mövqeyini eşidir.

Tural