Putin Pezeşkianla telefonla danışıb, Rusiyanın vasitəçiliyə hazır olduğunu bildirib

Rusiya Prezidenti Vladimir Putin iranlı həmkarı Məsud Pezeşkianla telefon danışığı aparıb.

Bu barədə Kremlin mətbuat xidməti məlumat yayıb.Telefon danışığı zamanı prezidentlər Yaxın Şərqdəki son hadisələri müzakirə ediblər.

İran Prezidenti 11 apreldə İslamabadda keçirilən İran-ABŞ danışıqlarını qiymətləndirib və Rusiyanın beynəlxalq platformalar da daxil olmaqla, vəziyyətin gərginliyinin azaldılmasına yönəlmiş prinsipial mövqeyini yüksək qiymətləndirib.

Məsud Pezeşkian həmçinin Rusiyaya İran xalqına göstərilən humanitar yardıma görə təşəkkür edib.

Vladimir Putin münaqişənin siyasi və diplomatik yolla həlli axtarışlarını asanlaşdırmağa və Yaxın Şərqdə ədalətli və davamlı sülhün bərqərar olması üçün səylərə vasitəçilik etməyə hazır olduğunu vurğulayıb. Bildirib ki, bu məqsədlə Rusiya regiondakı bütün tərəfdaşlarla fəal əlaqələri davam etdirəcək.

İkitərəfli əməkdaşlığın cari məsələlərinin müzakirəsi zamanı hər iki tərəf mehriban qonşuluq münasibətlərini hər cəhətdən daha da gücləndirmək öhdəliyini bir daha təsdiqləyib.