Nə üçün dərhal əməliyyat olunmalıdır?- Açıq sınıqlar

Açıq sınıqlar təcili əməliyyat göstərişidir.

News365.az xəbər verir ki, bu barədə Səhiyyə Nazirliyinin Elmi-Tədqiqat Travmatologiya və Ortopediya İnstitutunun baş həkimi Nizami Məmmədov canlı yayımda məlumat verib.

Onun sözlərinə görə, açıq sınıqlar ətraf mühitlə birbaşa təmasda olduğundan, təcili əməliyyat zamanı sınığı qapalı hala gətirmək məqsədilə müdaxilə edilir.

Baş həkim həmçinin qeyd edib ki, ciddi qanaxmalar və damar zədələnməsi ilə müşayiət olunan travmalar da əməliyyat tələb edir.

“Qarın boşluğu travmaları da həyati təhlükə yaradan travmalar sırasındadır və təcili müdaxilə zəruridir”, – deyə Nizami Məmmədov vurğulayıb.