Müasir paltaryuyan maşınlar: Hansı yuma proqramları daha effektivdir?

Paltaryuyan maşınlar artıq yalnız geyimləri yumaq üçün sadə cihazlar deyil. Yeni nəsil modellərdə müxtəlif yuma proqramları mövcuddur və hər biri konkret ehtiyaclara uyğunlaşdırılıb. Suyun temperaturu, sıxma sürəti, yuma müddəti və parça hərəkətinin intensivliyi yuma prosesinin keyfiyyətini müəyyən edən əsas amillərdəndir.

News365.az xəbər verir ki, düzgün proqram seçimi geyimlərin daha uzunömürlü olmasını təmin edir və enerji, həmçinin su sərfiyyatını azaldır.

Niyə paltaryuyan maşınlarda çoxlu proqram var?

Texnologiyanın inkişafı ev texnikasına da öz təsirini göstərib. Paltaryuyan və quruducu maşınlar son illərdə ciddi yeniliklərə məruz qalıb. Mütəxəssislər bildirirlər ki, məqsəd yuma prosesini daha səmərəli, rahat və sürətli etməkdir.

Ekspert Petrino qeyd edir ki, yeni proqramlar geyimlərin qorunmasını da təmin edir. İdman geyimləri, funksional parçalar və ekoloji materiallardan hazırlanmış paltarlar qarderoblarda daha çox yer tutduğundan, uyğun yuma rejimlərinə ehtiyac yaranır.

Ən çox istifadə olunan proqramlar

İstifadəçilərin əksəriyyəti “normal” və ya “qarışıq yükləmə” rejimini seçir. Bu proqram suyun temperaturunu və sıxma sürətini müxtəlif parça növlərinə uyğun tənzimləyir və gündəlik istifadə üçün uyğundur.

Bununla belə, ekspert geyimlərin daha uzunömürlü olması üçün digər xüsusi proqramların da öyrənilməsini tövsiyə edir. Məsələn, yataq dəstləri ilə gündəlik geyimləri eyni anda yumaq əvəzinə, onları ayrı-ayrı proqramlarla yumaq daha səmərəli olur.

Əsas yuma rejimləri

• Zərif yuma: İnce və tez zədələnən parçaların formasını və yumşaqlığını qoruyur.

• Tez yuma: 15 dəqiqəlik qısa proqram yüngül çirklənmiş geyimləri sürətlə təmizləmək üçün nəzərdə tutulub.

Gözlənilməz əşyaları da yumaq olar

Müasir paltaryuyan maşınlarda yalnız geyim deyil, bəzi xalçalar, yoqa matları və müəyyən silikon mətbəx əşyaları da yuyula bilər. Bunun üçün mütləq uyğun proqram seçilməli və istehsalçı tövsiyələrinə əməl edilməlidir.

News365.az