Mebel fabrikində yanğın: İşçi yaralandı

Bursanın İnegöl rayonunda yerləşən bir mebel fabrikində yanğın baş verib.

News365.az xəbər verir ki, hadisə Mahmudiye məhəlləsi, 28-ci küçədə fəaliyyət göstərən fabrikin talaş silosunda saat 12:30 radələrində qeydə alınıb.

İşçilərin xəbər verməsi ilə hadisə yerinə yanğınsöndürən briqadalar cəlb olunub. Alovlara müdaxilə edən işçi Ömər Y. (30) yaralanıb. Sol qolunda 2-ci dərəcəli yanıq diaqnozu qoyulan işçi, xüsusi avtomobillə gətirildiyi İnegöl Dövlət Xəstəxanasında müalicəyə alınıb.

Yanğın yanğınsöndürənlərin 1 saatlıq müdaxiləsi ilə söndürülüb. Hadisənin çıxma səbəbi araşdırılır.

News365.az