İlon Maskın etibarlı adamı “Tesla”nı tərk etdi

İlon Maskın “Tesla” şirkətində əsas vəzifələrdən birini tutan top menecer Omid Afşar şirkəti tərk edib.

News365.az-ın “Financial Times”a istinadən məlumatına görə, Afşar Şimali Amerika və Avropada “Tesla” satışlarına cavabdeh idi; o, bu vəzifəyə ötən il təyin edilib.

Mənbələrin bildirdiyinə görə, “Tesla”nın Şimali Amerika bölməsinin HR direktoru Jenna Ferrua da şirkəti tərk edib.

Afşar “Tesla”dan çətin bir zamanda, şirkətin satışlarının və mənfəətinin azaldığı bir vaxtda ayrıldı.

Elektrik avtomobil istehsalçısı xüsusilə Çində artan rəqabət, eləcə də yeni modellərin olmaması səbəbindən çətinliklər yaşayır.

FT qeyd edir ki, şirkətin rəhbəri İlon Maskın istehlakçılar arasında mənfi reaksiyaya səbəb olan siyasi fəaliyyəti onun üçün əlavə problemlər yaradıb. Birinci rübdə “Tesla”nın xalis mənfəəti 3 dəfə, avtomobil tədarükü 13 faiz azalıb.

Afşar 2017-ci ildən “Tesla”da işləyirdi, o, xüsusən də şirkətin Ostində gigafabrikasının tikintisinə cavabdeh idi.

Daha əvvəl FT yazıb ki, Afşar Maskın “yanğınsöndürən”i və ya “cəlladı” adlandırılıb, o, mürəkkəb problemləri həll etmək və kütləvi ixtisarlar həyata keçirmək üçün onu şirkətləri arasında transfer edib.