"Futbol ekspertlərinin təhlili kifayət etmir"- Azər Rəşidoğlu

Jurnalist Azər Rəşidoğlu sosial şəbəkədə futbol üzrə vəziyyətlə bağlı fikirlərini bölüşüb.

O qeyd edib ki, özü futboldan çox anlamasa da, komandamızın qalib gəldiyi oyunlarda sevinir, uduzduqda isə məyus olur.

Lakin Rəşidoğlu vurğulayıb ki, futbol oyunlarını ciddi təhlil edən ekspertlərin sayı çox azdır və səhvləri, həmçinin uğurları göstərən analizlər kifayət etmir:

“Futbolu, oyunu, məsələn, dünənki oyunu ciddi təhlil edən, səhvləri və uğurları göstərən futbol ekspertlərinin rəyi olduqca azdır və bu, yaxşı əlamət deyil,” – deyə jurnalist qeyd edib.

Rəşidoğlu paylaşımlarında futbolun inkişafı və oyunların keyfiyyətli təhlili üçün daha çox ekspert rəylərinə ehtiyac olduğunu vurğulayıb.

News365.az