Diniyevin komandası uduzdu

Azərbaycan millisinin üzvü Coşqun Diniyev Türkiyə 1-ci Liqasında növbəti oyununa çıxıb.

Onun çıxış etdiyi “Bandırmaspor” 18-ci turda “Manisa”nı qəbul edib.

Oyun qonaqların 3:2 hesablı qələbəsi ilə başa çatıb. Görüşə start heyətdə başlayan Diniyev sona qədər meydanda olub.

Bu nəticədən sonra “Bandırmaspor” 33 xalla 2-ci pillədə qərarlaşıb və lider “Kocaelispor”dan 5 xal geri qalır.