Bu telefonun satışları DAYANDIRILIB

Bəzi istifadəçilərdə ani sönmə, yenidən açılmama və donma kimi problemlər səbəbilə əvvəlcə Yaponiyada dayandırılan Xperia 1 VII satışları, indi qlobal miqyasda müvəqqəti olaraq dayandırılıb. Problemin dəqiq səbəbi hələ müəyyən edilməyib, lakin donanımsal nasazlıq ehtimalı yüksək qiymətləndirilir.

Bu barədə News365.az CNN Türk-ə istinadən xəbər verir. 

SO-51F, SOG15, A501SO və XQ-FS44 kodlu modellərdə ilk dəfə Yaponiyada müşahidə edilən problemlər, qısa müddətdə Avropa və Asiyanın müxtəlif bölgələrində də qeyd olunmağa başlayıb. Bunun ardınca Sony, Almaniya, İspaniya və Birləşmiş Krallıq da daxil olmaqla bir çox ölkədə cihazın satışını rəsmi mağazalarından çıxarıb.

8 iyul tarixli texniki dəstək açıqlamasında, istifadəçilərin yaşadığı problemlərdən xəbərdar olduqları və həll prosesi üzərində işlədikləri bildirilib. Sony, problemin yalnız müəyyən istehsal partiyalarında ola biləcəyini ehtimal edir, lakin konkret olaraq hansı partiyaların təsirləndiyi və neçə cihazın bu problemi yaşadığı bəlli deyil.

İstifadəçilərə məlumat itkisini önləmək üçün cihazlarını ehtiyat nüsxə ilə yedəkləmələri tövsiyə olunur. Müvəqqəti həll kimi isə güc və səs açma düymələrinə eyni anda 20 saniyə basaraq cihazı yenidən başlatmaq məsləhət görülür. Bəzi hallarda proqram yeniləmələri problemi aradan qaldıra bilsə də, donanımsal nasazlıq olan cihazların servislərə göndərilməsi lazım ola bilər.

Snapdragon 8 Elite prosessoru və üçlü kamera sistemi ilə seçilən Xperia 1 VII, satışın ilk mərhələsində ciddi bir böhranla üzləşib. Sony-nin bu prosesi nə qədər şəffaf və sürətli idarə edəcəyi, cihazın premium bazardakı gələcəyini müəyyən edəcək.