Bakıdaki Hərbi parada hazırlıq işləri görülür

Noyabrın 8-də Bakıda, Azadlıq meydanında Zəfər Gününün beşinci ildönümü münasibətilə hərbi parad təşkil olunacaq.

News365.az PhotoStock.az-a istinadla xəbər verir ki, Zəfər Gününə həsr olunmuş paradöncəsi hazırlıqlar davam edir.

Paradda nümayiş etdiriləcək hərbi texnikalar paytaxta gətirilib, şəhərin əsas küçə və prospektləri, eləcə də binaların eyvanları Azərbaycan bayraqları ilə bəzədilib.

Prezident İlham Əliyevin sərəncamına əsasən, hər il noyabrın 8-i Azərbaycanda Zəfər Günü kimi təntənəli şəkildə qeyd olunur.