Bakılı Yanik və "Nofelet hardadır" filmi

1988-ci ildə çəkilmiş “Nofelet haradadır?” sevilən filmlərdən biridir. Filmin rejissoru Gerald Bejanov idi.

Filmin mərkəzində Pavel Golikov adlı 40 yaşlı, tənha, bir qədər utancaq və adi həyat sürən bir kişi dayanır. Ailəsi və dostları ondan evlənməsini gözləyir, amma Pavel qadınlarla ünsiyyətdə çox çətinlik çəkir.

Bir gün onun yanına Gena adlı enerjili, şəhər həyatına daha açıq bir qohumu gəlir. Gena Pavelə “qadınlarla tanış olmaq” dərsi verməyə başlayır. O, “nofelet” adlı mistik bir söz uydurur — bu əslində “telefon” sözünün tərsinə oxunuşudur.

Bejanov filmdə Gena obrazını Bakıda yaşayan və onun tanıdığı Yanik adlı şəxsdən götürüb. Qeyd edim ki, ssenari müəllifi Azərbaycan Neft və Kimya İnstitutunu bitirib, sonra bir müddət tədqiqat institutunda çalışıb. Ssenari ideyası ona Moskva küçələrində maraqlı bir "cazibədar" üsuldan istifadə edən Yanik adlı bakılı tanışından gəlib və bu üsul onun rejissor və ssenaristlər qrupunu heyrətləndirib.

Qısa boylu bir gənc cazibədar qadınlara yaxınlaşıb " kyurasyun harada olduğunu deyə bilərsinizmi?" deyə soruşardı.Qızlar səmimi olaraq ona kömək etməyə çalışdılar, bunun nə ilə bağlı olduğunu soruşdular. Bakılı oğlan isə bilmədiyini deyirdi. Maraqlanan və əylənəncə axtaran qızlar həvəslə Yanika öz nömrələrini yazırdılar.

Ssenari səkkiz günə yazılıb. Lakin rejissor Gerald Bejanov "kyurasyu" sözünü tamamilə bəyənməyib. Ssenarist "telefon" sözünü tərsinə yazmaq fikrinə düşənə qədər lüğətlərdə əvəzedici axtarıblar və nəhayət filmdə məşhur olan "Nofelet hardadır" termini yaranıb.

Qeyd edim ki, Gena rolunu oynayan Pankratov Çerniy əsl Bakılı kimi simaya və o dövrün dəb olan geyimləri ilə Moskvada kef çəkən Azərbaycanlıya çox oxşayır.