Xəzər rayonunda 5 min ədəddən artıq pirotexniki vasitə satan şəxs müəyyən edilib

Paytaxtın Xəzər rayonunda polis əməkdaşları tərəfindən keçirilən növbəti tədbir zamanı partlayıcı maddələrin, pirotexniki vasitələrin satışı ilə məşğul olan M.Abdullayev müəyyən olunaraq saxlanılıb.

DİN-in Mətbuat Xidmətindən News365.az-a verilən məlumata görə, onda müxtəlif təyinatlı 5000 ədəddən artıq pirotexniki vasitə aşkarlanıb.

Bildirilib ki, faktla bağlı toplanmış material üzrə araşdırmalar davam etdirilir.