"Türkiyə səbirli şəkildə Rusiya ilə, Birləşmiş Ştatlarla danışıqlar apardı"- Politoloq

Təbii ki, gözlənilən idi ki, Suriya əslində Türkiyə və İsrailin maraqları çərçivəsində formalaşsın. Çünki dekabr ayında Əsəd rejimi devrildikdən sonra İsrail tərəfi Suriyanın daha dağınıq vəziyyətdə, vahid dövlət kimi deyil, etnik qruplar tərəfindən idarə olunan bir sistem şəklində mövcud olmasını istəyirdi. Çünki Suriyanın sabitliyi İsrailin maraqlarına uyğun deyil. Bu, birinci məqamdır."

Politoloq Rüstəm Tağızadə bunu News365.az-a açıqlamasında deyir. 

"İkinci məqam isə ondan ibarətdir ki, Türkiyə səbirli şəkildə Rusiya ilə, Birləşmiş Ştatlarla danışıqlar apardı və bölgədə hərbi bazasını yerləşdirdi. Hazırda T-4 hərbi aviasiya bazası Suriyada mövcuddur. İsrail isə bu hərbi bazanın varlığını diqqətdə saxlayır və sərhədlərinin təhlükəsizliyi baxımından müəyyən tədbirlər görməkdə maraqlıdır. Bu məqsədlə Qolan yüksəkliklərindən gələn təhlükələrə qarşı müxtəlif hərbi əməliyyatlar həyata keçirilib. Lakin Suriyada baş verən bu hərbi əməliyyatların əhəmiyyət dərəcəsi nisbətən aşağı qiymətləndirilir."- deyə fikirlərini bildirib.