Süni intellekt epoxasında "insan olmaq" hansı mənaları ehtiva edəcək?

Süni intellekt bizim həyatımızın tərkib hissəsinə çevrilib.

Bütün dünyada Süni intellektlə bağlı hələ cavabı verilməyən suallar və narahatçılıqlar var. Nədir bu suallar?

-İlk sual budur: maşınlar doğrudanmı düşünə bilərlər? Hələ də iki yanaşma var və təbii ki, maşınların güclü düşünə biləcəyinə əmin olmayanlar var. Söhbət ağıllı maşınlardan və kompüterlərdən deyil, düşünə bilən maşınlardan gedir.

-Düşünə bilən maşınlar insan üçün hansı problemləri yaradacaq? Nə qədər əhəmiyyətlidir?

-Düşünə bilən maşınlarla insan özündən ağıllı varlıqmı yaradır və bununla öz mövcudluğuna yanaşmanı dəyişəcəkmi?

-Yeni əmək bölgüsü yaranacaqmı və dünya düzənini dəyişirmi?

-Düşünən maşınlarla bağlı hansı etik problemlər yaranır: onlara mənəvi münasibət necə olmalıdır?

-Düşünən maşınlar hər sahədə insanı əvəz edə bilərmi? Məsələn yaşlılara qulluq xidmətində?

-Nə üçün neyroşəbəkələr insanlardan daha yaxşı şahmat oynayırlar?

-Bizim süni intellektlə münasibətlərimizdəki gərginliyin səbəbləri nədir?

Yeni dünya yaranır və yeni gələcəyin əsası qoyulur. Bir anlığa rasionalizmin yaranmasını təsəvvür edin. “Cogito Ergo sum.” “Düşünürəmsə demək, mövcudam.” Dekart belə nəticəyə gəldi ki, insan həm düşünən, həm də fəzada yer tutan ikili varlıqdır.

İndi isə deyirik ki, maşınlar düşünür. Bəs onların mövcudluğuna nə ad qoyacağıq? Bununla bizim mövcudluğumuzun fəlsəfəsi dəyişirmi?