Avropa ölkələrində yanacaq şoku: təcili qərarlar verildi

Polşadakı yanacaqdoldurma məntəqələrində dizel yanacağının qiyməti litri 9 zlotiyə (təxminən 2,40 dollar) yüksəlib ki, bu da yanacaq bazarı analitiklərinin proqnozlarından xeyli pisdir. Onlar maksimal qiyməti 8,75 zlotiyə (təxminən 2,35 dollar) proqnozlaşdırırdılar.

News365.az xəbəbr verir ki, bu barədə dziennik.pl portalı bildirib.

18 mart tarixinə Polşada 1 litr dizel yanacağının orta qiyməti 7,76 zlotiyə (təxminən 2,09 dollar) bərabər olub.

Benzin və mayeləşdirilmiş neft qazının qiymətləri də artıb. Məsələn, A-95 benzininin qiyməti bazar ertəsi səhərinə qədər litri 7,15 zlotiyə (təxminən 1,92 dollar) yüksəlib. 4 martda Polşada bu marka benzinin orta qiyməti litri 6,6 zlotiyə (təxminən 1,77 dollar) bərabər olub. Mayeləşdirilmiş neft qazının qiyməti 2,8 zlotıdan (təxminən 0,75 dollar) 3,82 zlotıya (təxminən 1,02 dollar) yüksəlib.

Portal xatırladır ki, 26 martda ölkə dizel yanacağı üçün tarixi bir rekord qırıb. Həmin gün 1 litrin qiyməti 8,69 zlotı (təxminən 2,34 dollar) olub.

26 martda Polşa hökuməti ABŞ və İsrailin İrana qarşı müharibəsi nəticəsində enerji qiymətlərinin artmasının qarşısını almaq üçün yanacağa ƏDV-ni 23%-dən 8%-ə endirmək niyyətində olduğunu açıqlayıb.

Bundan başqa, Norveçin maliyyə naziri Yens Stoltenberq 1 apreldən etibarən benzin və dizel yanacağına vergilərin müvəqqəti olaraq azaldılacağını elan edib.

Benzin vergisi litr başına 4,41 kron, dizel vergisi isə 2,85 kron azaldılacaq.

Azaldılmış dərəcələr yalnız 1 sentyabra qədər qüvvədə olacaq və bundan sonra əvvəlki səviyyələrinə qayıdacaq.

Bu dəyişikliklər 26 martda qəbul edilən qərarla mümkün olub. Həmin qərarda Stortinq üzvlərinin əksəriyyəti artan yanacaq qiymətlərinin qarşısını almaq üçün təcili vergi endiriminə səs verib.