Şəkidə kafe yandı

Şəkinin Aşağı Göynük kəndində yanğın hadisəsi qeydə alınıb.

Kənd sakini Mustafa Məmişova məxsus, ümumi sahəsi 80 m² olan kafedə yanğın baş verib.

Yanğının genişlənərək ətrafdakı digər tikililərə keçməsinin qarşısı alınıb.

Yanğın nəticəsində kafenin dam örtüyünün yanar konstruksiyaları tam yanıb. Yanğın kafeyə bitişik tikilən, Əfqan Əliyevə məxsus ümumi sahəsi 204 m² olan tikiliyə də keçib.

Tikilinin bir otağının 18 m²-lik sahəsinin yanar konstruksiyaları yanıb. Yanğın zamanı xəsarət alan olmayıb. Yanğının söndürülməsi üçün əraziyə Şəki rayon Dövlət Yanğından Mühafizə Hissəsinin texnikası və şəxsi heyəti cəlb olunub.

Faktla bağlı araşdırma aparılır.