Ronaldonun həyat yoldaşı Sevgililər Günündə yeni evini nümayiş etdirdi - VIDEO

Portuqaliyalı hücumçu Kriştiano Ronaldonun həyat yoldaşı Corcina Rodriges Sevgililər Günündə Instagram səhifəsində yeni evini göstərdiyi video paylaşıb.

Bu barədə gazeta.ru saytı yazıb.

“Bir zamanlar arzu idi. Bu gün isə reallıqdır”, — deyə o yazıb.

Video fevralın 14-də — Sevgililər Günündə yayımlandığı üçün bəzi izləyicilər bunun Ronaldonun hədiyyəsi olduğunu ehtimal ediblər.
 

2025-ci il avqustun 11-də Rodriges Instagram-da Ronaldoya ərə getdiyini açıqlamışdı. O, üç daşla bəzədilmiş nişan üzüyünün fotosunu paylaşmışdı. Zərgər Ajay Anandın fikrincə, üzük üçün təxminən 30 karatlıq D kateqoriyalı brilyant seçilib. Zinət əşyasının təxmini dəyəri 5 milyon dollar qiymətləndirilir.

Ronaldо ailəsi ilə birlikdə Səudiyyə Ərəbistanına köçüb və 2023-cü ilin yanvarından etibarən “Əl-Nəsr” klubunun hücumçusudur. Ölkədə nikahdan kənar birlikdə yaşamaq qadağan olunsa da, məşhur futbolçuya istisna tətbiq edilib və uşaqlarının anası ilə eyni evdə yaşamasına icazə verilib.

Cütlüyün iki qızı var — altı yaşlı Alana Martina və bir yaşlı Bella Esmeralda. Bundan əlavə, Ronaldonun 2010-cu ildə dünyaya gəlmiş Kriştiano adlı oğlu var. 2017-ci ildə isə surroqat ana futbolçuya Eva və Mateo adlı əkizləri dünyaya gətirib. Rodriges dəfələrlə bildirib ki, ögey övladlarını da öz uşaqları qədər sevir.