Roma papası XIV Leo İstanbulun Mavi məscidində olub

Roma papası XIV Leo Türkiyə səfərinin ikinci günündə İstanbulun Mavi məscidində olub.

News365.az xəbər verir ki, məsciddə Türkiyənin Dini İşlər Administrasiyasının rəhbəri ona mavi kərpiclərlə işlənmiş uca günbəzi göstərib.

Katolik kilsənin rəhbəri bununla özündən əvvəlki pontifiklərin irsini davam etdirərək, məscidə baş çəkməklə Türkiyənin müsəlman çoxluğuna olan hörmətini ifadə edib.

Qeyd edək ki, Roma papası ilk xarici səfərini məhz Türkiyəyə edib. Bunun ardınca o Livana yollanacaq.

Katolik kilsə tarixində ilk amerikalı papanın Yaxın Şərqdə sülh barədə daha geniş məzmunda danışacağı gözlənilir.